Hauteskunde-araudia eta D'Hont - Hauteskundeak
Hauteskunde-araudia eta D'Hont metodoa
Hauteskundeen prozedura honako hauteskunde-araudiak arautzen du:
- 13/1982 Lege Organikoa, abuztuaren 10ekoa, Nafarroako Foru Eraentza Berrezarri eta Hobetzeari buruzkoa (29. eta 30. artikuluak).
- 16/1986 Foru Legea, azaroaren 17koa, Nafarroako Parlamenturako hauteskundeak arautzen dituena.
- 6/1990 Foru Legea, uztailaren 2koa, Nafarroako Tokiko Administrazioari buruzkoa (38. art.).
- 12/1991 Foru Legea, martxoaren 16koa, Nafarroako Kontzejuetako hauteskunde-prozesua arautzen duena.
- 5/1985 Lege Organikoa, ekainaren 19koa, Hauteskundeen Araubide Orokorrari buruzkoa.
- Parlamentuko jarlekuak emaitzen arabera ondorengo arauak jarraituz esleitzen dira:
- Ez dira kontuan hartuko hauteskunde-barrutian emandako baliozko botoen ehuneko 3 gutxienez lortu ez duten hautagai-zerrendak.
- Handienetik txikienera zuta batean ordenatuko dira gainerako zerrendek lortutako boto-kopuruak.
- Hautagai-zerrenda bakoitzak lortutako boto-kopurua zati 1, 2, 3 eta abar egiten da, barrutiari dagokion jarleku-kopurura iritsi bitarte; era horretan, adibide praktikoan agertzen denaren antzeko taula osatuko da. Jarlekuak emango zaizkie taulan zatidura handienak lortzen dituzten zerrendei, handienetik txikienera bitarteko ordena kontuan hartuta.
- Zatiduren zerrendan hautagai-zerrenda ezberdinetako bi batera egokituz gero, jarlekua emango zaio guztira boto gehiago lortu dituenari. Guztira boto-kopuru bera duten bi hautagai-zerrenda egonez gero, berriz, lehen berdinketak hausteko zozketa egingo da, eta hurrengoak txandaka ebatziko dira.
- Hautagai-zerrenda bakoitzari dagozkion jarlekuak zerrendan dauden hautagaiei esleituko zaizkie, zerrendan jarrita dauden ordenaren arabera.
- Adibide praktikoa: 480.000 boto baliodun eman dira hamaika diputatu hautatu behar diren barruti batean. Bozketan sei hautagai-zerrenda izan dira: A (168.000 boto), B (104.000 boto), C (72.000 boto), D (64.000 boto), E (40.000 boto), F (32.000 boto).
Ondorioz: A hautagai-zerrendak lau jarleku lortu ditu, B hautagai-zerrendak hiru jarleku, C hautagai-zerrendak bi jarleku eta D eta E hautagai-zerrendek jarleku bana.